Teymur Qubiyev
Vergi Mütəxəssisi
Teymur VLM-in vergi komandasına 2023-cü ildə qoşulmuşdur. O, komandamızda hazırki fəaliyyətindən öncə öz karyerasını bank sektorunda quraraq çirkli pulların yuyulması ilə mübarizə və komplayens üzrə mütəxəssis pozisiyalarında çalışmışdır. Bankların şübhəli və saxta maliyyə əməliyyatları ilə əlaqədar komplayens risklərinin tədqiqi, qiymətləndirilməsi və məruzə olunması, eləcə də çirkli pulların yuyulması və terrorçuluğun maliyyələşdirilməsinə qarşı mübarizə sahəsində qanunvericiliyə riayət olunması üzrə strategiyaların hazırlanması və tətbiqi də onun vəzifələrinə daxil idi. Bundan əlavə, o, çirkli pulların yuyulması risklərinin minimallaşdırılması istiqamətində auditorlar və dövlət qurumları ilə qarşılıqlı fəaliyyət göstərmişdir.
Teymur öz biliyi və təcrübəsi sayəsində müştərilərə bir çox maliyyə əməliyyatlarının icrasında dəstək olaraq fəaliyyətimizdə mühüm rol oynayır. Onun fəaliyyətinə bank əməliyyatlarının icrası, vergi hesablamaları, firmamızın və müştərilərin komplayens risklərinin təhlili və aradan qaldırılması, komplayens üzrə məsləhətlərin verilməsi, banklarla əlaqələrin təşkili, elektron qaimələrin buraxılması və kreditor və debitorlarla hesablaşmaların professional şəkildə həyata keçirilməsi daxildir.
Əsas Fəaliyyət Sahələri
-
Vergi Hesabatları;
-
Mühasibatlıq;
-
Korporativ müştərilərlə əlaqələr
Dillər
-
İngiliscə;
-
Rusca;
-
Türkcə;
-
Azərbaycanca
Təhsil
-
Azərbaycan Dövlət İqtisad Universiteti (UNEC) - Maliyyə və Kredit üzrə Bakalavr
Əsas Nailiyyətlər
-
Müxtəlif şirkətlərə mühasibat uçotunun qurulmasında və çirkli pulların yuyulması və terroçuluğun maliyyələşdirilməsi üzrə qanunvericiliyə riayət etməklə bank əməliyyatlarının icrasında dəstək olmuşdur;
-
Bir çox xarici şirkətlərə yerli banklarla münasibətlərin qurulması və əlaqələrin təmin olunmasında yardım etmişdir;
-
Müştərilərə mürəkkəb vergi və komplayens məsələləri üzrə məsləhətlər vermişdir.