İsmayıl Əliyev

Qlobal transmilli şirkətin Azərbaycandakı ofisinin qanuni nümayəndəsi tərəfindən ciddi qanun pozuntularının aşkar edilməsində, hərtərəfli hüquqi təhlilə, potensial mülki və tənzimləyici hərəkətlərə töhfə vermiş və prokurorluq orqanları tərəfindən aparılan ibtidai istintaqda, habelə üç ildən artıq davam edən məhkəmə prosesində müştərini təmsil etmişdir.

Müxtəlif biznes sektorlarından olan müştəriləri dövlət orqanları tərəfindən qaldırılan inzibati icraat, inzibati xəta işləri üzrə icraat, mülki və cinayət işlərində müdafiə etmiş, dövlət orqanları qarşısında icraatların ilkin mərhələsindən etibarən məhkəmə zalında təmsilçiliyə qədər tam hüquqi dəstək göstərmişdir.

Neft sektorunda fəaliyyət göstərən xarici şirkət adından yerli həmkarına qarşı beş alqı-satqı müqaviləsini pozduğuna görə, aktivlərin tam dondurulmasını və 500.000 avrodan çox məbləğin geri alınmasını təmin edən iddia qaldırmış və icraata rəhbərlik etmişdir.

Müştəriləri yüksək riskli əqli mülkiyyət mübahisələrində, o cümlədən etiraz və apellyasiya prosedurlarında təmsil etmiş və əmtəə nişanının əldə edilməsi, qorunması və yenilənməsi işlərini icra və bu işlərin həyata keçirilməsinə rəhbərlik etmişdir.

240 milyon avro dəyərində yüksək strateji əhəmiyyət kəsb edən əşyaların alqı-satqı müqaviləsinin hazırlanmasında və danışıqlarda əsas rol oynamış, qanunauyğunluq və risklərin azaldılmasını təmin etmək üçün xarici investor və dövlət nümayəndələri arasında koordinasiyada iştirak etmişdir.

Müştərilərə korporativ, kommersiya, cinayət, inzibati xəta, inzibati icraat, əqli mülkiyyət  və əmək hüququ üzrə mürəkkəb hüquqi məsələlər barəsində məsləhətlər vermiş və onları təmsil etmişdir – müştərinin biznes məqsədlərinə və qanunauyğun hüquqi həllər təqdim etmişdir.

Müxtəlif hüquqi sferalarda əlverişli nəticələrin təmin edilməsi, işin qiymətləndirilməsi və məhkəmə öncəsi strategiyadan tutmuş məhkəmədə təmsilçilik və mübahisənin danışıqlar yolu ilə həll yollarına qədər yüksək dəyərli məhkəmə çəkişmələri və mübahisələrin həlli məsələlərinə rəhbərlik etmiş və işin icrasını idarə etmişdir.

Strateji hüquqi planlaşdırma və maraqlı tərəflərin prosesdə effektiv iştirakının təmin olunması yolu ilə uzunmüddətli məhkəmə çəkişmələrindən qaçaraq, maliyyə baxımından əhəmiyyətli əmək mübahisəsinin razılaşma yolu ilə həllini başlatmış və danışıqları həyata keçirmişdir.

Məxfi, çoxtərəfli müdafiə sektoru ilə bağlı sazişin tərtibində mərkəzi rol oynamış, müqavilənin hazırlanması prosesini idarə etmiş və icra müddətində məhkəmə çəkişmə riski və  qanunauyğunluq ilə əlaqədar məsləhətlər vermişdir.

Hüquqi şəxslərin yaradılması və bank əməliyyatlarının qurulması, mürəkkəb hüquqi maneələrin aradan qaldırılması və dövlət orqanları tərəfindən yoxlamalar ilə əlaqədar hərtərəfli hüquqi dəstək göstərmişdir.

Qida, içki və qonaqlama sektorlarında qlobal brendlərin yerli ofisləri üçün hüquqi dəyərləndirmə əməliyyatları həyata keçirmiş, çatışmazlıqlar və potensial məhkəmə risklərini müəyyən etmişdir.

Dövlət tərəfindən tənzimlənən tikinti layihələri üçün hüquqi memorandumlar hazırlamış, hüquqi əsaslar, müqavilə öhdəlikləri və mübahisələrdən yayınma strategiyaları üzrə məsləhətlər vermişdir.

Müştərilər üçün tikinti, sığorta, bankçılıq və korporativ idarəetmə üzrə ətraflı hüquqi rəylər hazırlamış, tez-tez rastlanan mübahisəli hüquqi məsələlər və məhkəmə çəkişmələrinin həllində iştirak etmişdir.

Həm yerli, həm də beynəlxalq hüquqi standartlara uyğunluğu təmin edilən alqı-satqı, xidmət, birgə əməkdaşlıq və məxfilik müqavilələri də daxil olmaqla geniş spektrli müqavilələrin layihəsini hazırlamış, nəzərdən keçirmiş və müzakirəsində iştirak etmişdir.

Hüquqi müdafiə və mübahisələrin həlli mexanizmlərini yüksək dəyərli kommersiya müqavilələrinə inteqrasiya edərək, Çin və Rusiyadan olan müqavilə tərəflərinin beynəlxalq satış və logistika əməliyyatlarına rəhbərlik etmişdir.

İngilis hüququnun tətbiqini ehtiva edən mürəkkəb məhkəmə proseslərində xarici şirkəti təmsil etmişdir.