Vüqar Məmmədov
İdarəedici Partnyor
Vüqar enerji, maliyyə, bank, istehlak bazarları, pərakəndə ticarət və istehsalat kimi fərqli sektorlarda 20 ildən çox təcrübəsi ilə yerli və beynəlxalq müştəriləri özünəməxsus nou-hau ilə təmin edir və onları istiqamətləndirir. O, ilk öncə PwC Azərbaycanın hüquq və vergi xidmətlərində fəaliyyət göstərməklə bu sahələrdə geniş təcrübə əldə etmişdir. Vüqar PwC-dəki fəaliyyət illəri ərzində qısa müddətdə sürətlə vəzifə yüksəlişi əldə edən peşəkarlardan biri kimi yüksək qiymətləndirilmişdir. Liderlik qabiliyyəti və strateji baxışa malik olan Vüqar Deloitte Azərbaycanın Hüquq Xidmətlərinin formalaşdırılması və ona rəhbərlik etməsi üçün dəvət edilmiş və bu dövrdə onun nüfuzu daha da möhkəmlənmişdir. Big4 şirkətlərində çalışdığı 12 uğurlu ildən sonra Vüqar hüquq sahəsində öz brendini qurmağa qərar vermişdir.
2022-ci ildən etibarən Vüqar geniş bilik və təcrübəsinə əsaslanaraq Şenjen Beynəlxalq Arbitraj Məhkəməsində (SCIA) arbitr kimi fəaliyyət göstərir. Vüqar ölkə daxilində və xaricdə həyata keçirilən nəhəng bərpaolunan enerji layihələri, mürəkkəb biznes və ticarət əməliyyatları, birləşmə və qoşulmalar, hüquqi komplayens məsələləri, yenidən təşkil və konsolidasiyalar, eləcə də layihələrin maliyyələşdirilməsi sahəsində ekspert məsləhətlər verir. O, öz hüquq, vergi və biznes təcrübəsini tranzaksiyaların sənədləşdirilməsi, danışıqlar, hüquqi yoxlama və müştərilərin əqdləri ilə bağlı maliyyə məsələlərinin həlli üçün tətbiq edir.
Vüqarın peşəkar bilik və təcrübəsi beynəlxalq səviyyədə tanınmışdır. O, İsveçrə və Birləşmiş Krallığın müxtəlif məhkəmə və arbitraj orqanlarında, eləcə də, Birləşmiş Krallıq Milli Kriminal Agentliyində (NCA) hüquqi expert kimi çıxış etmişdir. Asiya İnkişaf Bankının Sakit Okean adaları regionunda həyata keçirilən təşəbbüslərə verdiyi töhfələrdə iştirak da daxil olmaqla, Vüqarın fəaliyyət sahəsi, həmçinin qlobal enerji layihələrini də əhatə edir.
Onun dövlət-özəl tərəfdaşlığı layihələrində geniş fəaliyyəti hökumətlə şərtlərin razılaşdırılmasından tutmuş əməliyyat və komplayens məsələlərinin həllinə qədər bütün mərhələləri əhatə edir. Vüqarın müştərilərə investisiyaların qorunması, beynəlxalq xüsusi hüquq və digər sahələrdə etibarlı məsləhətçilik etməsi onun hüquqi biliklərinin genişliyini əks etdirir.
Əsas Fəaliyyət Sahələri
-
Beynəlxalq Korporativ Strukturlaşdırma
-
Birləşmələr və Qoşulmalar
-
Korporativ və Hüquqi Təhlil
-
Vergi Hüququ
-
Layihələrin Maliyyələşdirilməsi
-
İnvestisiyaların Qorunması
-
Kapital Bazarları
-
Dövlət-Özəl Tərəşdaşlığı
-
Enerji və Bərpaolunan Enerji hüququ
-
Qanunvericilik layihələrinin hazırlanması
-
Mübahisələrin Həlli
Dillər
-
İngiliscə
-
Rusca
-
Türkcə
-
Azərbaycanca
Təhsil
-
Rotterdam Erasmus Universiteti - LL.M, Beynəlxalq Biznes və Ticarət Hüququ
-
Qafqaz Universiteti - Hüquq üzrə Bakalavr
Əsas Nailiyyətlər
-
Xarici bir şirkəti ICSID qarşısında uğurla təmsil etmişdir;
-
Tanınmış bir xarici korporasiyanın Azərbaycanda bərpaolunan enerji sahəsində dövlət-özəl tərəfdaşlığı layihəsində iştirakını təmin etmişdir;
-
Xarici ölkələrin bərpaolunan enerji qanunvericiliyi ilə bağlı ətraflı hüquqi təhlilini hazırlamış və onların hüquqi bazasının təkmilləşdirilməsi üçün hüquqi və strateji məsləhətlər vermişdir;
-
Beynəlxalq neft-qaz yataqlarının qazılması üzrə ixtisaslaşmış şirkətə ətraflı hüquqi dəstək göstərmiş, onların dövlət şirkəti ilə strateji əməkdaşlığa başlamasını və Xəzər Dənizində qazma layihəsinə cəlb olunmasına kömək etmişdir;
-
Böyük bir neft-qaz şirkəti üçün peşəkarlıqla Hasilatın Pay Bölgüsü Müqavilələrinin vergi və gömrük protokollarını hazırlamışdır;
-
Qabaqcıl Fransız və İtalyan banklarına Azərbaycanda nəhəng bir sənaye şirkətinin maliyyələşdirilməsi ilə bağlı məsləhətlər vermişdir;
-
Azərbaycanda iri neft-qaz şirkətlərindən biri ilə bağlı peşəkar hüquqi yoxlama aparmışdır.