Ramin Abbasov

Baş Vergi Mütəxəssisi

Ramin vergi komandamızın bir parçası olaraq vergi və mühasibatlıq fəaliyyətimizə öz töhfəsini verir. Onun keçmiş təcrübəsi Nexia EA Azərbaycanda tutmuş olduğu baş mütəxəssis vəzifəsini də ehtiva edir. O, konsultasiya sektorunda uğurlu karyerasından sonra Azərbaycanda quşçuluq, akvakultura və orqanik qida sahələri üzrə fəaliyyət göstərən nəhəng bir holdqində, o cümlədən, bir broker firmasında baş mühasib vəzifələri tutaraq onların qüsursuz maliyyə əməliyyatlarının icrasını təmin etmişdir. Ramin 2022-ci ildən etibarən VLM-də vergi və mühasibatlıq xidmətlərinin göstərilməsinə cəlb olunmuşdur.

Raminin fəaliyyət sahəsi geniş və çoxşaxəlidir. O, vergi və maliyyə əməliyyatlarının icrası, idarə olunması və auditi üzrə geniş təcrübəyə malikdir. Ramin, vergilərin düzgün hesablanması, vergi bəyannamələrinin və hesabatlarının hazırlanması, həmçinin mal və materiallarının inventarlaşdırılması proseslərində müştərilərinə peşəkar dəstək göstərir. Bununla yanaşı vergi yoxlamalarının həyata keçirilməsi sahəsində də ekspertlik xidmətləri təqdim edir.

Raminin əsas vəzifələrindən biri də müştərilərə vergi və maliyyə risklərinin minimallaşdırılması ilə bağlı məsləhətlər verməkdir. O, müştərilərinə, həmçinin xərclərin düzgün tanınması və optimallaşdırılması metodlarının müəyyənləşdirilməsində bələdçilik edir. Həmçinin, müştərilərinin maliyyə və vergi məsələlərində strateji qərarlar qəbul etmələrinə kömək edir. Onun bu sahələrdəki geniş təcrübəsi və dərindən başa düşməsi müştərilərinin əməliyyatlarını daha səmərəli və iqtisadi cəhətdən əlverişli şəkildə idarə etmələrinə imkan verir.

Ramin, ikiqat vergitutma məsələləri üzrə geniş bilik və təcrübəyə malik bir mütəxəssisdir. O, bizneslərə ikiqat vergitutmadan azad olmaq və bu barədə mövcud müqavilələrin müddəalarından faydalanmaq üçün peşəkar dəstək göstərir. Həmçinin, müştərilərinə ikiqat vergitutma məsələlərinin ləğvi istiqamətində düzgün hüquqi və maliyyə həlləri təqdim edir. Ramin, mühasibat uçotunun qurulması və aparılması üzrə müştərilərinə tam dəstək verir və onlara vergi məsələlərini optimallaşdırmaqda kömək edir. Müxtəlif sahələrdə fəaliyyət göstərən müştərilərlə - o cümlədən aqrobiznes, IT, istehsalat və digər sektorlar üzrə - effektiv və məqsədyönlü xidmətlər təqdim etmişdir. Onun müştəriləri, işlərinin maliyyə və vergi aspektləri üzrə yüksək keyfiyyətli və tam dəstək aldığını xüsusilə vurğulayırlar.

Əsas Fəaliyyət Sahələri

Vergi Uyğunluğu
Vergi və Maliyyə Hesabatları
Vergi Konsultasiyası və Vergi Yoxlaması
Mühasibat Uçotu
Gömrük

Dillər

Azərbaycanca
İngiliscə
Rusca
Türkcə

Təhsil

Xəzər Universiteti - Maliyyə üzrə Bakalavr

Əsas Nailiyyətlər

Beynəlxalq bir iskele brendinin yerli ofisinə uçot məlumatlarının hazırlanması sahəsində əhəmiyyətli dəstək göstərmişdir. Bu prosesdə əsas vəsaitlərin layihələr üzrə təsnifləşdirilməsi və vergi uçotunun düzgün aparılması təmin edilmişdir. Bu işlər, brendin fəaliyyətinin düzgün qeydiyyata alınmasına və vergi öhdəliklərinin yerinə yetirilməsinə kömək etmişdir.
Lokal bir IT və elektron xidmətlər təchizatçısına vergi uçotunun qurulması ilə bağlı kömək göstərilmişdir. Təchizatçının münasib vergi rejimi seçməsi, vergi qanunvericiliyinə uyğunluğunu təmin etməsi və vergi öhdəliklərini yerinə yetirməsi istiqamətində məsləhətlər verilmişdir. Bu, şirkətin vergi risklərini minimuma endirərək, müvafiq qanunvericiliyə riayət etməsini təmin etmişdir.
Kənd təsərrüfatı sektorunda fəaliyyət göstərən bir şirkətə vergi və mühasibatlıq xidmətləri göstərilmişdir. Bu çərçivədə şirkətin mallarının düzgün təsnifləşdirilməsi, aqrobiznesə tətbiq olunan vergi güzəştlərindən faydalanmaları və uyğun mühasibatlıq strategiyasının seçilməsi təmin edilmişdir. Bu addımlar, şirkətin vergi öhdəliklərini asanlaşdırmış və maliyyə planlamasında optimallaşdırmalar aparılmasına şərait yaratmışdır.
Xarici investisiyalı neft və qaz sektorunda fəaliyyət göstərən bir şirkətə vergi və mühasibatlıq xidmətləri göstərilmişdir. Şirkətin maliyyə əməliyyatlarının düzgün və xətasız aparılması təmin edilmişdir. Bu, şirkətin yerli bazarda əməliyyatlarının effektiv şəkildə həyata keçirilməsini və vergi qanunlarına uyğunluğunu təmin etmişdir.