Enerji, Neft və Qaz

VLM enerji və neft-qaz sənayesi iştirakçılarına hərtərəfli və effektiv hüquqi həllər təklif edir. Hüquqşünaslarımız yerli və beynəlxalq neft-qaz istehsalçılarına, xidmət təchizatçılarına, ticarət şirkətlərinə, enerji bazarı iştirakçılarına və dövlət qurumlarına geniş spektrdə uğurla xidmət göstərmişdir.

​

Qlobal layihələrin maliyyələşdirilməsi, yenidən təşkili, Hasilatın Pay Bölgüsü Sazişləri (PSA) və qanunvericilik, vergi, məşğulluğun strukturlaşdırılması, əmək miqrasiyası və yerli razılıqların alınması məsələləri də daxil olmaqla, yerli və beynəlxalq səviyyədə özünü büruzə verən dayanıqlı təcrübəmizlə fəxr edirik.

 

Daha öncə iştirak etdiyimiz diqqətəlayiq enerji layihələri sırasına Asiya İnkişaf Bankı tərəfindən maliyyələşdirilən Solomon adalarındakı yüksək büdcəli bərpa olunan enerji layihəsi daxildir. Bundan əlavə, biz Hasilatın Pay Bölgüsü Sazişi çərçivəsində fəaliyyət göstərən neft və qaz şirkətləri ilə bağlı hüquq və vergi yoxlamasını uğurla həyata keçirmiş, neft sahəsində çalışan qazma şirkətlərinin birgə müəssisələr yaratmalarına hüquqi dəstək vermiş, neft-qaz bazarı iştirakçılarına müxtəlif hüquqi xidmətlər göstərmişik.

 

VLM hüquqşünasları enerji sektorundan olan müştərilərinə fəaliyyətlərinin bütün mərhələlərində məsləhətlər verir. Bizim iri neft şirkətləri ilə SOCAR arasında imzalanmış Hasilatın Pay Bölgüsü Sazişləri çərçivəsində vergi və gömrük protokollarının hazırlanması, bu protokollar üzrə danışıqların aparılması, beynəlxalq neft-qaz şirkətlərinin alınması və beynəlxalq bir neft şirkətinin Azərbaycanda Hasilatın Pay Bölgüsü Sazişi üzrə Podratçı kimi yenidən strukturlaşdırılması proseslərində, eləcə də müxtəlif alternativ enerji layihələrində təcrübəmiz var.

 

Bizə bu sahələr üzrə güvənə bilərsiniz:

1. Tam hüquqi autsorsinq;

2. Alternativ enerji məsələləri;

3. Kommersiya hüququ üzrə xidmətləri, hədəf müəssisələrin və satıcıların hüquq və vergi yoxlamasının həyata keçirilməsi;

4. Müqavilə və Biznes Hüququ;

5. Korporativ Hüquq;

6. Lisenziyalaşdırma;

7. Birləşmələr və Qoşulmalar;

8. Neft-qaz və Enerji Hüququ;

9. Ekologiya Hüququ;

10. Layihələrin maliyyələşdirilməsi;

11. Vergi, Əmək və Miqrasiya məsələləri və s.