2025-ci il yanvarın 1-dən qüvvəyə minən, Azərbaycanda özəl sektora yeni perspektivlər qazandıracaq qanunvericiliyə dəyişiklikləri diqqətinizə çatdırmaq istərdik. Bildiyiniz kimi, işğaldan azad edilmiş ərazilərdə fəaliyyət göstərən rezidentlər bu ərazilərdəki fəaliyyətləri ilə əlaqədar 2023-cü ildən başlayaraq 10 il müddətində bir çox vergi və gömrük rüsumlarından tam azad edilmişdir.
Əgər işğaldan azad edilmiş ərazilərdə fəaliyyət göstərmirsinizsə, lakin, bununla belə, bu güzəştlər və daha çoxundan yararlanmaq istəyirsinizsə, sizə yenə də yaxşı xəbərimiz var!
Dövlət-özəl Tərəfdaşlıq layihələrində özəl tərəfdaşlar dövlət-özəl tərəfdaşlığı müqaviləsində müəyyən edilmiş maksimum 30 ilədək vergi və gömrük rüsumlarından azad edilirlər. Bundan başqa, sizin biznesiniz bərpaolunan enerji mənbələrindən istifadə edərək elektrik enerjisinin istehsalını təşkil etməklə əlaqədardırsa, sizin fəaliyyət dövlətin satınalma öhdəliyi ilə olan layihələrdə satınalma müqaviləsində müəyyən edilmiş maksimum 30 il müddətinə vergi və gömrük rüsumlarından azad olunacaqdır.
Bizim məqsədimiz sizin biznesi inkişaf etdirməkdir. Daha ətraflı məlumat üçün bizim ilə əlaqə saxlaya bilərsiniz.
